دي لا باظت ولا خربت

[دى لا باظت و لا خربت
*********************************

دى لا باظت و لا خربت
و لا جابت جاز لا مؤاخذة
دى عيشة ظريفة جداً
و لا فتنة إنضربت
و لا حد بيشتكى لحظة
ماشيه و الأشية معدن

عايشين فى حرية
زمن القيود إختفى
أتحدى لو واحد يوم إنضرب بالقفا
و الناس بتختشى و لا حد بيرتشى
الله على الحياة بقى لونها شفتشى
ده إحنا لا صوتنا إتنبح و لا فى مالطة بندن

دى لا باظت و لا خربت
و لا جابت جاز لا مؤاخذة
دى عيشة ظريفة جداً
و لا فتنة إنضربت
و لا حد بيشتكى لحظة
ماشيه و الأشية معدن


متأمنين من الفقر الدنك
تعليم علاج و حساب فى البنك
شقق مرمية
و الشغل فى كل حتة
و اللحمة بسبعة جنيه و ساعات نلاقيها بستة

و الكل منتعش و الكل منتشى
الله على الحياة بقى لونها شفتشى

ده إحنا لا صوتنا إتنبح و لا فى مالطة بندن

دى لا باظت و لا خربت
و لا جابت جاز لا مؤاخذة
دى عيشة ظريفة جداً
و لا فتنة إنضربت
و لا حد بيشتكى لحظة
ماشيه و الأشية معدن[/font][/size]